Eto Gbigbe Esin ni Ede Yoruba (Eda Keji)

Order of Service, Second Edition, in English →

Thank you for reading this post, don't forget to subscribe!

Gba Eto Gbigbe Esin sile (PDF)

This download is available to CCC Worldwide Community members.

Eto Gbigbe Esin Ijo Mimo ti Kristi lati Orun wa ni ede Yoruba. Iwe yi wa fun awon Elesin, awon Oluso-aguntan ati gbogbo omo ijo ti o fe tele esin ni igbese-igbese, gege bi ilana ti Oludasile Ijo, Woli Samuel Bilewu Joseph Oshoffa, fi lele. “Bayi ni Oluwa wi, E duro ni oju ona, ki e si wo, ki e si bere ona igbani, nibo ni ona rere wa, ki e si rin ninu re” (Jeremiah 6:16).

Akoko esin je akoko adugbo kan naa ni gbogbo orile-ede.

Apa Kini: Awon oro esin ati ofin pataki

Eto adura CCC

A o bere adura pelu Oruko Mimo meta: “Jehovah! Jesu Kristi! Mikaeli Mimo!”
A o gbadura.
A o pari pelu “Ni oruko Jesu Kristi Oluwa wa. Amin.”
A o yin Olorun pelu Alleluyah meje.

Didun agogo ijuba

Nigba ti Elesin ba lu agogo ni igba meta, gbogbo ijo yoo foribale, won yoo si ma wipe: “Mimo! Mimo! Mimo! ni Oluwa Olorun awon omo ogun.”

Adura Oluwa

Baba wa ti nbe li orun, ki a bowo fun oruko Re, ki ijoba Re de, ife tire ni ki a se ni aye bi won ti nse ni orun. Fun wa ni ounje ojo wa loni. Dari ese wa ji wa, bi a ti ndari ese ji awon ti o se wa. Ma fa wa sinu idewo, sugbon gba wa lowo bilisi. Nitori ijoba ni tire, agbara ni tire, ogo ni tire lailai. Amin.

Gloria

Ogo ni fun Baba, ati fun Omo, ati fun Emi Mimo; bi o ti wa ni atetekose, bee ni nisisiyi, bee ni yoo si ri titi aye ainipekun. Amin.

Ijewo Igbagbo

Mo gba Olorun Baba Eledumare gbo, Eleda orun on aye; ati Jesu Kristi, Omo bibi re kansoso, Oluwa wa, ti a loyun re nipa Emi Mimo, ti a bi lati inu Maria Wundia, ti o jiya labe Pontiu Pilatu, ti a kan mo agbelebu, ti o ku, ti a si sin; o sokale lo si ipo oku; ni ojo keta o jinde kuro ninu oku; o goke re orun, o si joko ni owo otun Olorun Baba Eledumare; lati ibe ni yoo ti wa se idajo alaaye ati oku. Mo gba Emi Mimo gbo; Ijo Mimo ti Kristi lati Orun wa; idapo awon eniyan mimo; idariji ese; ati iye ainipekun. Amin.

Orin ijuba

A o ko ila kookan leemeta (fun Esin Ipari Osu, Ounje Ale Oluwa ati Esin Ipari Odun).

Olorun, Olorun, Olorun, Oba Iye
Mimo, Mimo, Mimo, Oba awon angeli
E wole fun Oba awon araye
Hi Rah Jah Man Jari Bam, Hi Rah Jah Man
Emi Mimo, Adaba orun, e sokale wa
Yah Go Lolah Mari Yah Nga Rih Yeh / Yah Go Lolah Mari Yeh
E foribale fun Oba Oluwa / Mo foribale fun (leemeta). Amin.

Awon oro mimo

Awon oro mimo ijo ni a npe gege bi won ti wa, a ki i tumo won: Eyiba, Jehovah Ramah, Agashadual, Eliya, Jehovah Lass, Eli Bamah – Yabah, Jerih Moh Yamah, Yarah Sarah, Yarah Mah, Elohim Jah, El Beraca, Eli Ya, Alfaji Ara-Hach, Belele a o na Bonono.

Akiyesi Pataki (ofin)

Awon alagba ti yoo siwaju esin gbodo ya ara won si mimo fun ojo meta ni imurasile (Eksodu 19:10-15).
Gbogbo awon alagba gbodo wo aso oye won ni Ojo Oluwa ati ninu Esin Odun Titun, ni ibamu pelu ilana Ijo Mimo.
Bibeli kika se pataki fun gbogbo omo Ijo Mimo, ki enikeni ma baa tiju nigba ti a ba pe e lati ka oro Olorun tabi iwe miran.
Ninu oro Olorun ti a ka ni Oniwaasu ojo naa gbodo ti mu oro ti yoo fi ba ijo Olorun soro. Mase bu elesin miran. Kiyesi ara nipa siso oro ijoba tabi oselu; ohun ti oro Olorun wi ni a fe gbo.
Ariwo, oro siso, irin gbasegbase ati ipade ti ko bofin mu ni akoko esin ni Olorun ko sure fun (Oniwaasu 5:1-3).
Wo aso ti o bo asiri ihoho re (Ifihan 3:18).
Mase to enu, eekanna ati ese wo ile Oluwa; oso iwontunwonsi ni Olorun fe (1 Timoteu 2:9-10).
Ilu lilu bere lati akoko owo igba titi di ipari ope; duru nikan ni o le ba orin lo siwaju ati lehin akoko yi.
Ni akoko esin isomoloruko, ikore, igbeyawo, ojo ibi tabi awon esin ti o jemo ayo, ilu wa, sugbon towotowo ni ki a se ohun gbogbo. Ki a mase gbagbe pe ni gbogbo ojo esin, enikeni ko gbodo lu ilu kankan lati akoko orin “Yarah Sarah” (E tan fitila) titi di “O Kristi Oba mi”.
Orin ti a yan gbodo wa ni ibamu pelu oro Olorun ti a ka, akoko ati iru esin ti a nse. Fun apeere, ki a mase ko orin isegun nigba ti o ye ki a ko orin ibukun.

Awon Esin Pataki ati Ajodun ninu Ijo Mimo

Igba	Esin
Ojoojumo, 5:30 a.m.	Esin Owuro fun gbogbo odun
Gbogbo Ojo Aanu (Ojoru), 9:00 a.m.	Esin fun awon to nwoju Oluwa
Ojobo (Thursday) akoko ni gbogbo osu, 10:00 p.m.	Esin Ipari Osu
Gbogbo Ojo Eti (Ojo Agbara), 12 osan	Esin fun awon Woli, Alala ati Ariran ni ile Aanu
January 1, 10:00 a.m.	Esin Idupe Odun Titun
January 2 titi di January 8, 6:00 p.m.	Ose Adura
Ojo Aiku Ope (Palm Sunday)	Ajodun imo ope, iwode ni aarin ilu
Ose Ijiya Oluwa, Ojo Aje titi di Ojo Satide, 6:00 p.m.	Imurasile fun Ajinde pelu aawe ati adura
Ale ojo saaju Ajinde (Easter Eve), 8:00 p.m.	Gbogbo omo ijo yoo pejo lati lo si ite
Ojo Ajinde, 10:00 a.m.	Akanse esin fun Ajinde
Ojo keji Ajinde (Easter Monday)	Pipade Jesu Kristi to jinde ni Galilee
Ogoji ojo lehin Ajinde	Igoke re orun ti Jesu Kristi
Aadota ojo lehin Ajinde	Ojo ti awon omo ehin gba Emi Mimo (Pentecost)
Ojo Aiku akoko ni June	Ikore awon omode
Ojo Eti akoko ninu osu keje lododun	Esin ni iranti Maria Mimo
Ojo Aiku akoko ni August	Ikore agba ti olu ijo Nigeria ni Makoko
September 9 – 10	Esin orin kiko ni iranti sisin Oludasile Ijo Mimo
Ojo Aiku keta ni September	Ikore agba ni ilu Imeko
29th September	Esin Ojo Ibi
14th October	Esin ni iranti Isinku
Ojo Aiku keta ni November	Ikore agba ti International Headquarters, Ketu
18 – 24 December	Adura ni imurasile fun Keresimesi
25th December	Ajoyo Odun Keresimesi ni Imeko
31st December, 10:00 p.m.	Esin Idupe Ipari Odun

Oruko awon iwe Bibeli Mimo (English / Yoruba)

Genesis – Genesisi; Exodus – Eksodu; Leviticus – Lefitiku; Numbers – Numeri; Deuteronomy – Deuteronomi; Joshua – Josua; Judges – Awon Onidajo; Ruth – Rutu; 1 & 2 Samuel – Samueli Kini ati Keji; 1 & 2 Kings – Awon Oba Kini ati Keji; 1 & 2 Chronicles – Kronika Kini ati Keji; Ezra – Esra; Job – Jobu; Psalms – Orin Dafidi; Proverbs – Owe; Ecclesiastes – Oniwaasu; Song of Solomon – Orin Solomoni; Isaiah – Isaiah; Jeremiah – Jeremiah; Lamentations – Ekun Jeremiah; Ezekiel – Ezekieli; Daniel – Danieli; Hosea – Hosea; Joel – Joeli; Amos – Amosi; Obadiah – Obadiah; Jonah – Jona; Micah – Mika; Nahum – Nahumu; Habakkuk – Habakuku; Zephaniah – Sefaniah; Haggai – Hagai; Zechariah – Sekariah; Malachi – Malaki.

Matthew – Matteu; Mark – Marku; Luke – Luku; John – Johanu; Acts – Ise Awon Aposteli; Romans – Romu; 1 & 2 Corinthians – Korinti Kini ati Keji; Galatians – Galatia; Ephesians – Efesu; Philippians – Filipi; Colossians – Kolosse; 1 & 2 Thessalonians – Tessalonika Kini ati Keji; 1 & 2 Timothy – Timoteu Kini ati Keji; Titus – Titu; Philemon – Filemoni; Hebrews – Heberu; James – Jakobu; 1 & 2 Peter – Peteru Kini ati Keji; 1, 2 & 3 John – Johanu Kini, Keji ati Keta; Jude – Juda; Revelation – Ifihan.

Apa Keji: Awon Esin

Gbogbo adura inu awon esin yi ni a ngba ni eto adura CCC (Apa Kini). Nomba orin je ti iwe orin Yoruba Ijo Mimo ti Kristi lati Orun wa; nibi ti a ko ti ko nomba, Elesin yoo yan orin ti o ba oro naa mu.

Esin Owuro Kutu

Lojoojumo, agogo marun aabo owuro (5:30 a.m.), ni akoko adugbo.

Akiyesi: Oluso-aguntan ni yoo siwaju Esin Owuro Ojo Agbara (Friday). Ti Oluso-aguntan ko ba si nile Oluwa, igbakeji re ni yoo siwaju esin yi ati ti asaale.

1
A o lu agogo ni igba meta. Gbogbo ijo yoo ma wipe: “Mimo! Mimo! Mimo! ni Oluwa Olorun awon omo ogun.”
2
A o dide duro lati ko orin idariji ese.
3
Adura idariji ese ati iyasimimo lenu Elesin.
4
Adura Oluwa: “Baba wa ti nbe li orun…” (Apa Kini).
5
Orin ope.
6
Adura eniyan meta: (1) Ope ati ojurere Oluwa; (2) Isegun ati aabo; (3) Agbara ati ibukun.
7
Orin Emi Mimo tabi agbara.
8
Adura idakeje.
9
Elesin yoo gbadura lori adura idakeje.
10
Ope (bi olope ba wa).
11
Orin ipari esin: eyi gbodo je orin ibukun tabi orin ileri.
12
Adura ipari esin lenu alagba obinrin kan ti ipo re ga ju lo.
13
Adura Oluwa: “Baba wa ti nbe li orun…” (Apa Kini).
14
Ore-ofe lenu Oluso-aguntan.
15
Alleluyah meje ni ikoju si pepe.
16
Lehin adura owuro, gbogbo ijo yoo wole fun adura lenu Oluso-aguntan.

Esin Asaale Ojo Oluwa, Ojo Aanu ati Ojo Agbara

Ojo Aiku (Ojo Oluwa), Ojoru (Ojo Aanu) ati Ojo Eti (Ojo Agbara), agogo mefa irole (6:00 p.m.), ni akoko adugbo.

1
Adura kukuru lenu Elesin saaju wiwo ile Oluwa.
2
Adura Oluwa: “Baba wa ti nbe li orun…” (Apa Kini).
3
Orin akowole: “Jerih Moh Yamah” pelu finfin turari. Oniturari ni yoo siwaju.
4
Orin titan fitila: “Yarah Sarah, Yarah Samahtah”. Bi a ti nko orin yi ni Oniturari yoo tan imole ori pepe.
5
Orin akunleko: “Yarah Mah Hi Yarah Mah”.
6
Didun agogo ni igba meta pelu oro ijuba: “Mimo! Mimo! Mimo! ni Oluwa Olorun awon omo ogun.” Gbogbo ijo yoo foribale.
7
Eyiba (leemeta): Orin Dafidi 51:1-19. Elesin yoo ka a laiyara ni ila kookan, ijo yoo si ma tun ila kookan wi tele e.
8
Gloria: “Ogo ni fun Baba…” (Apa Kini).
9
Adura idariji ese ati iyasimimo.
10
Adura Oluwa: “Baba wa ti nbe li orun…” (Apa Kini).
11
Orin idariji ese.
12
Agashadual (leemeta): Orin Dafidi 100 tabi 136.
13
Adura ope lenu Elesin.
14
Orin ope.
15
Adura eniyan meta: Eni ikini: Adura ope ati ojurere Oluwa. Eni ikeji: Adura agbara ati isegun. Eni iketa: Ibukun ati ilosiwaju ijo.
16
Orin agbara tabi Emi Mimo.
17
Adura idakeje.
18
Eli Bamah – Yabah (leemeta): Orin Dafidi 20:1-5.
19
Adura kukuru lenu Elesin.
20
Orin iyin tabi orin ihinrere.
21
Eko kika, ati Gloria.
22
Ifilo.
23
Ijewo Igbagbo (Apa Kini).
24
Adura kukuru gba enu Oniwaasu, ati Iwaasu.
25
Adura lehin Iwaasu.
26
Owo Igba: ni Ojo Aanu, owo itore aanu; ni Ojo Agbara, owo imole.
27
Gbigba ope.
28
Orin ipari esin: orin ibukun tabi orin ileri.
29
Adura ipari esin lenu alagba obinrin kan ti ipo re ga ju lo.
30
Adura Oluwa: “Baba wa ti nbe li orun…” (Apa Kini).
31
Gloria: “Ogo ni fun Baba…” (Apa Kini).
32
Ore-ofe lenu Oluso-aguntan.
33
Alleluyah meje si origun merin aye ni akepapo.
34
Orin akojade: “Jerih Moh Yamah”.
35
Adura lenu Elesin ni ita ile Oluwa, Ore-ofe lati enu Elesin, ati Alleluyah meje si igun merin aye.

Eto Esin Owuro Ojo Oluwa

Ojo Aiku, agogo mewa owuro (10:00 a.m.), ni akoko adugbo.

Yiya ile Oluwa si mimo: a o ya ile esin si mimo ni kete ti a ba pari Esin Owuro Kutu (5:30 a.m.), pelu imole meje, opolopo turari ati omi iyasimimo. Imole kan ni igun ile kookan (merin), eyo kan ni enu ona abawole okunrin, eyo kan ni enu ona abawole obinrin, eyi to ku a o tan si ori pepe nla. Lehin yiya ile Oluwa si mimo a o gbe agbelebu si enu ona abawole; enikeni ko gbodo wo ile Oluwa titi esin yoo fi bere.

Akiyesi Pataki: (a) Enikeni ti yoo gbe esin gbodo ya ara re si mimo fun ojo meta siwaju ojo ti yoo gbe esin, Elesin si gbodo ti de ile esin siwaju akoko ibere esin. (b) Ti a ba ni orin adako ti a fe ko ni igba ajodun tabi igba ikore, a gbodo ko o siwaju didun agogo ijuba; ti a ba ti lu agogo, a ko ni ko orin miran yato si “O Kristi Oba mi”.

1
Adura kukuru lenu Elesin ni ita ile Oluwa.
2
Adura Oluwa: “Baba wa ti nbe li orun…” (Apa Kini).
3
Tito wo ile Oluwa towotowo: Oniturari yoo siwaju; awon akorin yoo tele e; awon obinrin lati ori omode de awon agba yoo gba enu ona abawole obinrin; awon okunrin lati ori omode de awon agba yoo gba enu ona abawole okunrin. Oluso-aguntan ni yoo wa lehin patapata. Olukuluku yoo pa owo re po bi o ti nto wole.
4
Orin titan fitila: “Yarah Sarah, Yarah Samahtah”. Bi a ti nko orin yi ni Oniturari yoo tan imole ori pepe.
5
Orin akunleko: “Yarah Mah Hi Yarah Mah”.
6
Didun agogo ni igba meta pelu oro ijuba: “Mimo! Mimo! Mimo! ni Oluwa Olorun awon omo ogun.” Gbogbo ijo yoo foribale.
7
“O Kristi Oba mi” (leemeta) ni ikunle.
8
Eyiba (leemeta): Orin Dafidi 51:1-19. Elesin yoo ka a laiyara ni ila kookan, ijo yoo si ma tun ila kookan wi tele e.
9
Jehovah Ramah (leemeta): Orin Dafidi 24:1-10.
10
Gloria: “Ogo ni fun Baba…” (Apa Kini).
11
Adura idariji ese ati iyasimimo lenu Elesin.
12
Adura Oluwa: “Baba wa ti nbe li orun…” (Apa Kini).
13
Orin idariji ese.
14
Eliya (leemeta): Orin Dafidi 118:1-29.
15
Gloria: “Ogo ni fun Baba…” (Apa Kini).
16
Adura ope lenu Elesin. Elesin ko gbodo gbe adura yi fun elomiran.
17
Orin ope.
18
Jehovah Lass (leemeta): Orin Dafidi 72:1-19.
19
Adura eniyan meta: Eni ikini: Agbara Emi Mimo ati ilosiwaju ijo. Eni ikeji: Aabo ati isegun fun orile-ede. Eni iketa: Ibukun ati ojurere Olorun. Akiyesi Pataki: iru adura ti Elesin ba ni ka gba ni a gbodo gba; a ko gbodo se atunwi asan.
20
Orin agbara tabi Emi Mimo.
21
Adura idakeje.
22
Eli Bamah – Yabah (leemeta): Orin Dafidi 20:1-9.
23
Elesin yoo gbadura kukuru lati toro agbara ase sori adura ti ijo Olorun gba.
24
Orin iyin.
25
Eko kika ikini, ati Gloria.
26
Orin ihinrere.
27
Eko kika ikeji, ati Gloria.
28
Orin igbagbo.
29
Ifilo.
30
Ijewo Igbagbo (Apa Kini).
31
Adura kukuru lenu Oniwaasu.
32
Wiwaasu oro Olorun lati inu eko kika ojo naa.
33
Adura idakeje lehin iwaasu ti a ti gbo.
34
Adura kukuru gba enu alagba kan ti oye re ko ga ju ti eni to se iwaasu lo.
35
Owo Igba: idamewa, irin-ajo, ikole ati bee bee lo.
36
Ope, ati akanse ope.
37
Orin ipari esin: orin ibukun tabi ileri.
38
Adura ipari esin lenu alagba obinrin kan ti ipo re ga ju lo.
39
Adura Oluwa, ati Gloria.
40
Ore-ofe lenu Oluso-aguntan.
41
Alleluyah meje akepapo si igun merin aye ni iduro.
42
Orin akojade: “Jerih Moh Yamah”.
43
Adura lenu Elesin ni ita ile Oluwa, Ore-ofe lati enu Elesin, ati Alleluyah meje si igun merin aye.
44
Akiyesi Pataki: ti esin isomoloruko ba bo si ojo esin, orin “Jerih Moh Yamah” ni a o fi gbe omo wole ti a o si fi gbe e jade.

Esin Ipari Osu

Leekan losu (Ojobo akoko ninu osu): ariya bere ni agogo mewa ale; esin bere ni agogo mejila oru geere.

Ohun elo: igo omi kan ati abela kan lowo omo ijo kookan. Ki ariya to bere, Oluso-aguntan yoo kunle niwaju pepe, yoo si ko Orin 694, “Ka sise fun iwenumo emi wa”, yoo si gbadura kukuru ope. Ariya pelu ilu, orin kiko ati ijo bere ni agogo mewa ale titi di agogo mejila ku iseju meedogun. Ni dede agogo mejila ku iseju meedogun, olukuluku yoo toro edun okan re sori abela to mu lowo.

Lilo awon abela: a o tan abela meje sori pepe nla; abela meje yi omi awon okunrin ka ati meje yi omi awon obinrin ka; abela meje yi ile Oluwa ka; abela meje sori pepe ile Aanu. Eyi ti o ba ku, ki ijo maa fi se esin titi yoo fi tan. Akiyesi: Oluso-aguntan lo gbodo siwaju esin yi; pepe nla ni Oluso-aguntan gbodo lo; a o gbe pepe kekere kuro.

1
Ni agogo mejila geere: lilu agogo ijuba leemeta. Ijo yoo dahun pe: “Mimo! Mimo! Mimo! ni Oluwa Olorun awon omo ogun.”
2
Orin ijuba (Apa Kini), ila kookan leemeta.
3
Eyiba (leemeta): Orin Dafidi 51:1-19. Elesin yoo ka a laiyara ni ila kookan, ijo yoo si ma tun ila kookan wi tele e.
4
Adura fun idariji ese ati iyasimimo lenu Elesin.
5
Adura Oluwa: “Baba wa ti nbe li orun…” (Apa Kini).
6
Orin ope.
7
Agashadual (leemeta): Orin Dafidi 103:1-22.
8
Adura ope lati enu Elesin.
9
Orin agbara tabi Emi Mimo.
10
Adura lati enu alagba meje.
11
Orin ihinrere.
12
Eko kika kan soso, ati Gloria.
13
Ifilo.
14
Ijewo Igbagbo (Apa Kini).
15
Adura lati enu Oniwaasu, ati Iwaasu.
16
Adura idakeje lori oro Olorun ti a gbo.
17
Adura lati enu alagba kan ti oye re kere si ti eni ti o waasu.
18
Owo Igba, ati gbigba ope.
19
Orin ipari esin.
20
Adura ipari esin lenu agba obinrin kan, tabi gege bi Elesin ba se dari.
21
Ore-ofe lenu Oluso-aguntan.
22
Alleluyah meje si igun merin aye.

Esin Isomoloruko

Ni ojo kejo ti a bi omo. O se pataki pe gbogbo omo tuntun ni o gbodo fun ni oruko ni ojo kejo; lehin ojo kejo ko gbodo si isomoloruko kankan, gegebi ilana ijo mimo ati ase Oluwa.

Ohun elo: orisi eso meje, iyo, oyin, suga, abela paketi meji, turari. Awon obi omo yoo wo aso ogo fun omo naa lati gbe e wa sile Oluwa.

Akiyesi: Iya omo ko gbodo sunmo ile Oluwa; yoo joko jina si ile Oluwa. Ko gbodo fowo kan ohun elo adura bi abela, turari, ororo ati bee bee lo.

Ti a ko ba le gbe omo tuntun wa si ile Oluwa ni ojo kejo fun idi kan tabi ekeji, a o mu imole kan, a o fi sinu aso agbara fun Woli ti yoo gbe omo lowo. Lehin esin a o mu diedie ninu oyin, iyo ati omi ti a fi se esin lati to si enu omo tuntun ni ibi ti o wa, ni ojo isomoloruko gan an.

Gbigbe omo wole Oluwa

1
Imole: a o to imole meje sinu abo funfun (basia); meta ninu won ni a o tan ni enu ona ile Oluwa.
2
Woli okunrin yoo gbe omo ti o ba je okunrin; Woli obinrin yoo gbe omo ti o ba je obinrin. Ti ko ba si Woli, ojise (iranse) le gbe omo, ki Woli si joko leba re lati ma fi Emi dogba pelu re. Ki Woli to gbe omo yi, Oluso-aguntan yoo ya ojise ati omo si mimo.
3
A o won omi iyasimimo si ojise ti yoo gbe omo lowo ni igba meta; a o sami agbelebu si owo ojise naa ni igba meta; lehin naa a o gbe omo le ojise lowo.
4
A o pe oruko mimo bayi: “Jehovah, Jesu Kristi, Mikaeli Mimo”.
5
Jehovah Ramah (leemeta): Orin Dafidi 24:1-10.
6
A o gbadura sori omo naa si Jehovah, Jesu Kristi, Mikaeli Mimo, ni oruko Jesu Kristi Oluwa wa. Amin.
7
A o fi omi iyasimimo won omo naa lara ni igba meta.
8
Akiyesi Pataki: ki a to gbe omo le ojise lowo, ojise gbodo wa ninu Emi; Oniturari yoo duro ni owo otun ojise; eni ti o gbe basia yoo duro ni owo osi re; awon agba meje yoo to si ehin ojise naa.
9
Tito wo inu ile Oluwa pelu orin “Awa yoo dupe”: Oniturari ni yoo saaju; eni ti o gbe basia; Woli to gbe omo; awon agba meje; egbe akorin; awon omo obinrin ati awon omo okunrin; lehin naa gbogbo ijo. Awon agba meje pelu Oniturari ati eni ti o gbe basia yoo jo yira leemeje pelu omo tuntun.

Esin bere

1
Orin titan fitila: “Yarah Sarah”. Bi a ti ntan fitila, be ni a o ma tan imole merin to ku sinu basia naa.
2
Orin akunleko: “Yarah Mah Hi Yarah Mah”.
3
Didun agogo ni igba meta pelu oro ijuba: “Mimo! Mimo! Mimo! ni Oluwa Olorun awon omo ogun.” Gbogbo ijo yoo foribale.
4
Eyiba (leemeta): Orin Dafidi 51 ati Orin Dafidi 128, ati Gloria.
5
Adura idariji ese ati iyasimimo.
6
Adura Oluwa: “Baba wa ti nbe li orun…” (Apa Kini).
7
Orin idariji ese.
8
“Jerih Moh Yamah” (leemeta): Orin Dafidi 113:1-9, ati Gloria.
9
Adura ope lenu Elesin.
10
Orin ope.
11
Adura eniyan meta: (1) Ogbon; (2) Oye; (3) Ibukun ati emi gigun fun omo.
12
Orin agbara tabi orin Emi Mimo.
13
Eko kika: Luku 2:21-39, ati Gloria.
14
Ifilo: ifilo yi ko gbodo gun; ko gbodo si kika ofin ijo ninu re. A o daruko idile ti o bimo, a o si ro gbogbo awon alejo lati duro ba wa so omo ni oruko.
15
Ijewo Igbagbo (Apa Kini).
16
Adura lati enu Oniwaasu, ati Iwaasu.
17
Adura idakeje lehin ounje Emi; lehin eyi Elesin, tabi eni ti Elesin ba yan, yoo gbadura lehin iwaasu.
18
Owo Igba.
19
Siso omo loruko: asiwaju yoo to omi, iyo ati oyin si omo lenu. Ti omo ba ju kan lo, alagba to siwaju adura ati agba miran ni yoo ma fi omi, iyo ati oyin si enu awon omo naa ni igba kanna.
20
Adura fun omo gba enu agba meje.
21
Ore-ofe gba enu alagba to siwaju adura yi.
22
Idupe lati owo obi omo; ti olope miran ba wa, ki o se lehin ope obi omo.
23
Orin ipari esin.
24
Adura ipari esin lenu alagba obinrin kan ti ipo re ga ju lo.
25
Adura Oluwa, ati Gloria.
26
Ore-ofe lenu Oluso-aguntan.
27
Alleluyah meje si igun merin aye.
28
Tita omo lore: olukuluku yoo to iyo ati oyin la, yoo mu suga kookan ati eso kookan je, yoo si ta omo naa lore pelu ohun ti owo re ba ka.
29
Tito jade: awon akorin ni yoo saaju; eni ti o gbe basia ti omi wa ninu re; Woli ti o gbe omo; awon agba meje ti o gbe omo wole; lehin eyi gbogbo ijo yoo tele won.

Gbigbe omo fun iya re niwaju ile Oluwa

1
Iya omo yoo wa ni ikunle. Omi ti o wa ninu basia ni a o gbe si egbe otun re, owo ti a fi ta omo lore si egbe osi re. Agba meje ti o gbe omo wole yoo yi iya omo ka.
2
Oluso-aguntan yoo fi omi iyasimimo si owo iya omo, iya omo yoo si fi ya owo re si mimo. A o gbe omo fun iya re gba owo Oluso-aguntan.
3
Agba meje yoo gbadura soke fun aabo, alaafia, emi gigun, isegun, idagbasoke ati imole Olorun lori omo ati idile re. Lehin eyi Elesin yoo gbadura ni ita fun ipari esin, yoo si se Ore-ofe; Alleluyah meje si igun merin aye ni akepapo.
4
Akiyesi: a o maa tan ajoku imole si egbe omo naa ni kookan fun ojo meje. Iya omo yoo maa fi omi naa kun omi iwe omo fun osu meta; a ko gbodo fi omi yi kun omi gbigbona. Lehin esin, agba meje yoo fi imole meje ya ile Oluwa si mimo.

Eto Esin Igbeyawo

Gege bi a ti se eto re pelu Oluso-aguntan.

1
Adura lenu Elesin ni ita ile Oluwa.
2
Adura Oluwa: “Baba wa ti nbe li orun…” (Apa Kini).
3
Tito wole Oluwa: Oniturari yoo saaju; awon akorin okunrin yoo tele won; Oko Iyawo ati Baba Oko, Iya Oko lehin Baba Oko, ati Ore Oko lehin Oko Iyawo; awon akorin obinrin; awon omo Iyawo, nigbana Iyawo ati Baba re legbe ara won, Ore Iyawo ati Iya Iyawo lehin won; awon obinrin ijo lati ori omode de odo awon agba; awon okunrin ijo bakan naa; awon alejo yoo tele won.
4
Bi a o ti to ijoko: ko si eni ti yoo joko lori ijoko akoko (1) bi a ti nto wole. Baba Oko, Iya Oko, Ore Oko ati Oko Iyawo yoo joko si ijoko (2b); Baba Iyawo, Iya Iyawo, Ore Iyawo ati Iyawo yoo joko si ijoko (2a); awon omo Iyawo yoo joko tele won; lehin eyi ijo ati awon alejo.

Esin ibere

1
Orin titan fitila: “Yah Rah Sarah, Yah Rah Samahtah”.
2
Orin akunleko: “Yah Rah Man, Hi Yah Rah Man”.
3
Didun agogo ni igba meta pelu oro ijuba: “Mimo! Mimo! Mimo! ni Oluwa Olorun awon omo ogun.” Gbogbo ijo yoo foribale.
4
Eyiba (leemeta): Orin Dafidi 51:1-19. Elesin yoo ka a laiyara ni ila kookan, ijo yoo si ma tun ila kookan wi tele e.
5
Adura idariji ese ati iyasimimo.
6
Adura Oluwa: “Baba wa ti nbe li orun…” (Apa Kini).
7
Jehovah Ramah (leemeta): Orin Dafidi 24:1-10.
8
Gloria: “Ogo ni fun Baba…” (Apa Kini).

Igbeyawo bere

1
Gbogbo ijo Oluwa yoo joko. Fifa Iyawo le: Baba ati Iya Iyawo yoo fa Iyawo le Baba ati Iya Oko lowo pelu idaniloju ibukun lati odo Olorun lori won (Amin). Baba ati Iya Oko yoo gba Iyawo pelu ope (Amin).
2
Baba ati Iya Oko yoo fa Oko ati Iyawo le awon alagba ijo (okunrin kan, obinrin kan) lowo fun itoju ati ifimona kuro ninu idanwo aye, ninu ife ailetan ati isinmi okan pipe. Awon alagba yoo fa tokotaya le asiwaju esin lowo fun esin ibukun niwaju Oluwa.
3
Asiwaju esin yoo di owo Iyawo mu, yoo koju si ijo, yoo si beere pe: “Nje a ri enikan ti o ni atako si igbeyawo yi bi?” A o beere oro yi ni igba meta. Ti ko ba si atako kankan, awon mejeeji di alase ati ominira si ara won.
4
Eje: Oko yoo fi owo otun re di owo osi Iyawo mu, yoo koju si ijo, yoo si wi tele asiwaju esin pe: “Emi (oruko) gba iwo (oruko Iyawo) ni aya mi lati ni ati lati mu, lati fe ati lati ke titi iku yoo fi ya wa.” Iyawo yoo fi owo otun re di Oko mu, yoo si wi pe: “Emi (oruko) gba iwo (oruko Oko) ni oko mi lati ni ati lati mu, lati fe ati lati ke titi iku yoo fi ya wa. Gegebi idasile mimo Olorun ni mo fi otito mi fun o.”
5
Oruka meji ti a ti mu wa siwaju pepe fun iyasimimo: Oko yoo fi oruka si ika kerin owo osi Iyawo, yoo si wi pe: “Oruka yi ni mo fi ba o gbe, Iyawo; ara mi ni emi yoo fi ma bu ola fun o, ati ohun ini mi gbogbo ni emi yoo fi ke o, ni oruko Jesu Kristi Oluwa wa. Amin.” Iyawo yoo se bakan naa fun oko re. Ore Oko ati Ore Iyawo yoo duro si ehin won ni ikoju si pepe; lehin eyi Oko ati Iyawo yoo fi owo ko ara won lati lo si ori ijoko won tuntun.
6
Eko kika, ati Gloria.
7
Ifilo, ati Ijewo Igbagbo.
8
Iwaasu.
9
Adura kukuru lehin ounje Emi.
10
Owo Igba.
11
Gbigba ara Oluwa (pelu orin “Mo nbe ninu ododo” ati “Emi Mimo sokale sarin wa”), ni telentele bayi: alagba asiwaju esin ati alagba miran ti o ba ye; Iyawo ati Oko; Iya Oko, Baba Oko, Iya Iyawo, Baba Iyawo; agba ijo okunrin ati obinrin.
12
Ope.
13
Adura ipari esin gba enu alagba.
14
Adura Oluwa, ati Gloria.
15
Ore-ofe.
16
Alleluyah meje si igun merin aye.
17
Oko ati Iyawo yoo towo bo iwe eri igbeyawo.
18
Tito jade si ita pelu “Jerih Moh Yamah”.
19
Adura lenu Elesin ni ita ile Oluwa, Ore-ofe lati enu Elesin, ati Alleluyah meje si igun merin aye.

Esin Fifi Ipile Ile Lele

Ni ibi ti a fe ko ile naa si.

Ohun elo: abela meje, turari, omi iyasimimo, okuta merin tabi block merin, lofinda, abo nla (basin).

1
Orin 58: “E korin, e gbe orin soke”.
2
Eyiba (leemeta): Orin Dafidi 51; ati Jehovah Ramah (leemeta): Orin Dafidi 24.
3
Gloria: “Ogo ni fun Baba…” (Apa Kini).
4
Adura idariji ese ati iyasimimo ile ti a nfi ipile re lele.
5
Adura Oluwa: “Baba wa ti nbe li orun…” (Apa Kini).
6
Orin 378: “O ye wa ka fope fun Oba Oluwa”.
7
Agashadual (leemeta): Orin Dafidi 100.
8
Adura ope.
9
Orin 694: “Ka sise fun iwenumo emi wa”.
10
Adura eniyan meta: (1) Ope ati ibukun; (2) Isegun ati aseyori rere; (3) Alaafia ati ojurere Olorun, ki ile ti a bere le pari layo ati alaafia.
11
Eko kika: 1 Kronika 22:1-19, ati Gloria.
12
Ifilo.
13
Ijewo Igbagbo (Apa Kini).
14
Adura lenu Oniwaasu, Iwaasu, ati adura lehin Iwaasu.
15
Ohun ti a gbodo se ki a to bere si fi okuta ipile lele: gbe okuta nla si eba igun kookan koto ile naa; tan abela meta yi omi ti a fe fi se omi iyasimimo ka; tan abela meta si aarin ipile ile naa; tan abela kan si igun kookan ipile ile naa (merin); fin turari.
16
Fifi okuta ipile ile lele: Orin 731, “E gbe ori yin soke”, ni a o maa ko titi a o fi fi okuta mereerin lele. A o bere ni apa otun ibi ti pepe nla yoo wa: Elohim Jah (leemeta), Sakariah 6:12-15; a o fi okuta lele, a o si gbadura.
17
Akiyesi Pataki: ilana yi ni a gbodo tele ni origun kookan titi a o fi pari fifi awon okuta ipile lele, pelu omi iyasimimo ati finfin turari.
18
Gloria: “Ogo ni fun Baba…” (Apa Kini).
19
Adura fun ibukun (agba meje): agba meje yoo duro ti abela meje ti a tan tele ki a to bere esin; Orin 426, “El Beraca, Beredi Eli”; agba meje naa yoo gbadura ibukun ni gbogbo ona, ijo Olorun yoo si ma wi pe Amin.
20
Adura Oluwa: “Baba wa ti nbe li orun…” (Apa Kini).
21
Gloria: “Ogo ni fun Baba…” (Apa Kini).
22
Ore-ofe.
23
Alleluyah meje si origun merin aye.

Esin Iribomi

Ni eti odo, lehin naa ni ile Oluwa.

Akiyesi: (a) Ki a to se iribomi fun omo ijo, o gbodo ti lo odun kan ninu ijo. (b) Omo ijo naa gbodo ti mo ofin ati ilana ijo mimo. (c) Oluso-aguntan gbodo ri ami eso rere lara awon to fe se iribomi naa.

Ikilo: Gbogbo Oluso-aguntan gbodo je olotito si ilana yi. A ko gbodo ri Oluso-aguntan ti yoo se iribomi fun omo ijo ti ko ti pe odun kan ninu ijo nitori ifekufe ara tabi ere ijekuje. Oluso-aguntan lati ori Assistant Evangelist lo si oke ni o ni eto lati se iribomi. Ki awon agba ijo mase ko Oluso-aguntan lese lati lodi si ilana yi. Ti awon obinrin ba nlo fun iribomi, awotele won ko gbodo fi ihoho won han. Oluso-aguntan gbodo wa ninu Emi. Ki ojo iribomi to pe, Oluso-aguntan pelu awon agba ijo yoo ye odo wo, ki won ri pe ko jin ju; awon agba ijo yoo si wa ninu Emi lati se abojuto.

1
Omo ijo kookan to fe dogba fun iribomi yoo ni abela kan lowo ni eti odo. Oluso-aguntan yoo pe oruko awon ti yoo se iribomi: okunrin ni ila okunrin, obinrin ni ila obinrin.
2
Oluso-aguntan yoo ko ehin si ila oorun (gegebi igbekale pepe wa); awon omo ijo yoo koju si Oluso-aguntan.
3
Orin 79: “Esin Oluwa ninu ijo mimo yi”.
4
Eyiba (leemeta): Orin Dafidi 51:1-19. Elesin yoo ka a laiyara ni ila kookan, ijo yoo si ma tun ila kookan wi tele e.
5
Adura idariji ese ati iyasimimo, ati Adura Oluwa.
6
Orin 694: “Ka sise fun iwenumo emi wa”.
7
Ifilo pelu ibeere wonyi, won yoo si dahun: (a) “Eyin ara, nje eyin fe baptisi yin sinu Jesu bi?” (b) “Nje eyin yoo ko iborisa, agbere, itanje, ole jija ati iwa ibi gbogbo sile bi?” (d) “Nje e mura lati ma tele ilana ati ofin ijo mimo de opin aye yin?”
8
Eko kika: Matteu 3:13-15.
9
Ijewo Igbagbo, ati adura fun iwaasu.
10
Iwaasu: iwaasu gbogbo duro lori eko ti a ka. Adura lehin Iwaasu.
11
Orin 229: “Emi Mimo sokale sarin wa”; Oluso-aguntan yoo ma gbe owo le won lori.
12
Pastor tabi Evangelist yoo gbadura le won lori.
13
Oluso-aguntan yoo ya odo si mimo nigbati won yoo ma ko orin “Jesu awa yoo sin O”.
14
Oluso-aguntan yoo ma ri won bo omi lokookan: yoo fi owo se ami agbelebu si awon okunrin niwaju ori, aya ati ehin; fun awon obinrin, ami agbelebu ni yoo se si iwaju aya ati ehin won.
15
Orin ipari esin 378: “O ye wa ka fope fun Oba Oluwa”.
16
Adura ati Ore-ofe, Alleluyah meje si igun merin aye.
17
Oluso-aguntan yoo pa omi de.
18
Pipada si ile Oluwa, ati adura ni ile Oluwa. Olukuluku yoo lo fi abela re gbe ara re siwaju Oluwa ninu ile re tabi ninu ile Oluwa.
19
N.B.: Oluso-aguntan nibi duro fun Evangelist tabi Pastor.

Esin Awon Ojise, Alala, Ariran ati Awon ti Ntoro fun Agbara

Ojo Agbara (Friday), agogo mejila osan titi di agogo kan, ni ile Aanu.

Ile Aanu ni a gbodo ti se esin yi. A o ya ile Aanu si mimo saaju pelu opolopo turari ati omi iyasimimo. Oluso-aguntan ni o gbodo siwaju esin yi. Ohun elo: igo omi kan, imole kan. Ikilo: a ko gbodo fi ohunkohun kun imole ati igo omi.

1
Lilu agogo ni igba meta pelu iforibale ati idahun pe: “Mimo! Mimo! Mimo!”
2
Orin idariji ese.
3
Eyiba (leemeta): Orin Dafidi 51:1-19. Elesin yoo ka a laiyara ni ila kookan, ijo yoo si ma tun ila kookan wi tele e.
4
Adura idariji ese ati iyasimimo.
5
Adura Oluwa: “Baba wa ti nbe li orun…” (Apa Kini).
6
Orin agbara: Orin 257, “Jehovah Alagbara”.
7
Adura eniyan meta: (1) Agbara Emi Mimo ati ilosiwaju ijo; (2) Adura isegun ati aabo; (3) Adura ibukun ati ojurere Olorun.
8
Orin 229: “Emi Mimo sokale sarin wa”.
9
Adura idakeje: olukuluku yoo toro fun agbara Emi Mimo, emi itura, atunbi ati isipaya ododo.
10
Eli Bamah – Yabah: Orin Dafidi 20:1-5.
11
Orin iyasimimo.
12
Eko kika: eko to ba oro Emi Mimo ati agbara mu, ati oro iyanju.
13
Akanse adura gba enu asiwaju awon Woli ni ikunle.
14
Ni igba yi a o gbe awon Woli siwaju Oluwa, olukuluku pelu igo omi re ati imole titan; alagba yoo fi aso agbara gbon ara won, a o si da aso agbara bo won.
15
Alagba yoo gbe omi iyasimimo lati fi won gbogbo Woli lara.
16
Ti awon Woli ba ji, olukuluku yoo mu ninu omi re, yoo si gbe eyi to ku lo sile lati ma mu.
17
Ikilo: lilo jigi, lilo adahunse, ati fifi lofinda fo oju tabi okuta lodi si ofin ati ilana ijo mimo.

Esin Alaboyun

Ojo Agbara (Friday), agogo meta osan.

Ohun elo: igo omi kan, abela kan. Akiyesi: o se pataki fun alaboyun lati dogba fun esin agogo mefa asaale. Ikilo: iwa ainitiju ati ilana atowoda ko gbodo waye ninu esin yi; aso pepe nikan ni a gbodo fi gbon alaboyun ni ikun.

1
Didun agogo leemeta pelu iforibale.
2
Orin idariji ese.
3
Eyiba (leemeta): Orin Dafidi 51, ati Gloria.
4
Adura idariji ese pelu iyasimimo.
5
Adura Oluwa: “Baba wa ti nbe li orun…” (Apa Kini).
6
Orin ope.
7
Adura agba meta: (1) Ope; (2) Agbara ati isegun; (3) Ki ojo ikunle je ojo ayo.
8
Adura idakeje.
9
Adura lenu Elesin.
10
Orin ipari esin: agbara.
11
Adura ipari esin gba enu alagba obinrin kan.
12
Adura Oluwa, ati Gloria.
13
Ore-ofe, ati Alleluyah meje ni ikoju si pepe.
14
Adura akanse fun gbogbo won ni kookan.
15
A o gbe awon alaboyun siwaju Oluwa pelu igo omi ati abela kookan; alagba yoo fi aso agbara gbon won ni ikun.
16
Ti awon alaboyun ba ji, ki olukuluku mu ninu omi re, ki o si gbe eyi to ku lo sile lati ma mu.

Esin Isinku

Ni ile oku, ati ni ite oku. Awon asaaju ni o gbodo se esin yi.

Akiyesi Pataki: A ko gbodo gbe oku wo ile esin. A o se esin kukuru ni ile oku saaju isinku, a o si tan abela meji, okan nibi ori ati okan nibi ese re.

Esin kukuru nile oku

1
Orin 774: “Mimo ni Jesu Kristi”.
2
Adura idariji ese ati iyasimimo lenu asaaju esin sori oku.
3
Adura Oluwa: “Baba wa ti nbe li orun…” (Apa Kini).
4
Orin 694: “Ka sise fun iwenumo emi wa”.
5
Adura eniyan meta.
6
Gbigbe oku jade ninu ile re lati lo sin.

Tito lo si ite oku

1
Eni ti o gbe agbelebu ni yoo saaju, Oniturari ni egbe otun re, ati eni ti o gbe omi iyasimimo ni egbe osi re; Elesin; awon agba ijo; awon ti o gbe oku; awon omo oku ni egbe otun ati osi oku pelu awon ebi oku naa; awon akorin ati ijo yoo tele won.
2
Bi won ti nlo, asaaju yoo ma ka awon asayan oro ninu iwe mimo, a o si ma ko Orin 647, “Awa ja, awa ja”, lehin ikookan: Johanu 11:25-26; Johanu 14:1-3; Jobu 19:25-26; 1 Timoteu 6:7; Jobu 1:21.
3
Akiyesi: ni iboji a o te oku kori si iwo oorun, ese oku yoo si koju si ila oorun.

Esin isinku bere

1
Orin 694: “Ka sise fun iwenumo emi wa”.
2
Adura idariji ese ati iyasimimo.
3
Adura Oluwa: “Baba wa ti nbe li orun…” (Apa Kini).
4
Orin 649: “Anu Re Baba wa, ohun aye asan”.
5
Alfaji Ara-Hach (leemeta): Orin Dafidi 90:1-17.
6
Adura eniyan meta.
7
Orin 774: “Mimo ni Jesu Kristi”.
8
Eko kika: Ifihan 14:6-13.
9
Ijewo Igbagbo, ati adura lati enu Oniwaasu.
10
Iwaasu, ati adura lehin Iwaasu.
11
Yiya koto si mimo pelu omi iyasimimo ati turari.
12
Gbigbe oku sinu koto.
13
Nigba ti a ba gbe oku sinu koto, a o ko Orin 646, “Belele a o na Bonono”, asaaju yoo si fin turari si igun merin. Ti fere (trumpet) ba wa, ki a fi fere kun orin naa. Lehin kiko orin yi, a o gbadura sori oku fun anu lodo Olorun.
14
Ore-ofe.
15
Alleluyah meje.
16
Bibo isa oku: ki a to bo isa oku, awon oloku yoo won omi iyasimimo sori oku ninu koto, bere lati ori egbon titi de omo ikehin. Akiyesi: omi iyasimimo nikan ni ijo mimo ma nlo; a ko gbodo lo yepe rara.
17
Lehin isinku, ijo yoo lo gbadura fun awon ebi oloogbe fun ojo meje.

Esin fun Awon ti Nwoju Oluwa

Ojo Aanu (Ojoru), agogo mesan owuro. Gbogbo eniyan gbodo de siwaju agogo mesan.

Ohun elo: orisi eso meta ti ko labuku (bi osan mimu, ogede paranta, agbon, guava, pear, ope oyinbo, ibepe, tanjarin, grape, agbalumo), igo omi kan, imole kan. Enikeni ti ko le wa nitori ise yoo mu ohun elo re wa ni asaale ojo Isegun tabi ni kutukutu owuro Ojoru; a o se esin sori re.

1
Pepe kekere ni a o lo fun esin yi.
2
Orin: “Ogun Orun e ya wole”. A o ma tan pepe bi a ti nko orin yi.
3
Didun agogo ni igba meta pelu iforibale.
4
Orin idariji ese 155: “Anu Re Baba mo ntoro”.
5
Eyiba (leemeta): Orin Dafidi 51, ati Gloria.
6
Adura idariji ese ati iyasimimo lati enu Elesin.
7
Adura Oluwa: “Baba wa ti nbe li orun…” (Apa Kini).
8
Orin 878: “Halleluyah, ayo wa nbo”.
9
Eko kika: Genesisi 15:1-5.
10
Adura eniyan meta: Eni ikini: adura ope, aanu ati ojurere Oluwa. Eni ikeji: agbara isegun lori gbogbo idiwo ati idena. Eni iketa: ibukun Olorun, ibisi ati iresi.
11
Orin 882: “Alayo ti mayo de”.
12
Jehovah (leemeta): Deuteronomi 28:1-14.
13
Adura idakeje: olukuluku yoo gbadura si ohun elo re gege bi edun okan re.
14
Eli Bamah – Yabah (leemeta): Orin Dafidi 20:1-9.
15
Adura ibukun lenu Elesin.
16
Orin ipari esin.
17
Adura ipari esin lenu alagba obinrin kan.
18
Adura Oluwa: “Baba wa ti nbe li orun…” (Apa Kini).
19
Gloria: “Ogo ni fun Baba…” (Apa Kini).
20
Ore-ofe lenu Oluso-aguntan.
21
Alleluyah meje akepapo si origun merin aye.
22
Awon olujosin yoo tan imole owo won.
23
Orin 428: “Jehovah Onibu Ore”; Orin 426: “El Beraca Beredi Eli”; Orin 406: “Jehovah Jesu Kristi”.
24
Oluso-aguntan yoo gbadura fun won: ibukun, ojurere Oluwa ati omo rere.
25
A o gbe won siwaju Oluwa pelu aso agbara; a o fi aso agbara gbon ara won ati ikun won. Ninu eso orisi meta ti eni kookan mu wa, yoo je eso kan ti o wu u. Ti o ba de ibugbe, yoo ma mu omi re ti o ku diedie.
26
Fun awon ti ko le wa: Oluso-aguntan yoo pa eso meta ati omi won mo titi won yoo fi de. Eso ti o ba ku, a o pin fun awon omode lati je.

Esin Isile Oluwa

Ni enu ona ile Oluwa tuntun, lehin naa ninu ile Oluwa.

Igbaradi: a o ta aso tere di gaga enu ona ile Oluwa; gbogbo ijo ati awon alejo ti a pe yoo pejo si enu ona ile Oluwa; alagba ti yoo siwaju esin yoo duro ni enu ona; omi iyasimimo, turari ati abela yoo wa ni itosi fun lilo; opolopo eso orisi meje yoo wa ninu ile Oluwa.

Esin ni enu ona ile Oluwa

1
Orin 205: “Olorun Oba imole”.
2
Eyiba (leemeta): Orin Dafidi 51:1-19. Elesin yoo ka a laiyara ni ila kookan, ijo yoo si ma tun ila kookan wi tele e.
3
Adura idariji ese ati iyasimimo.
4
Adura Oluwa: “Baba wa ti nbe li orun…” (Apa Kini).
5
Orin 736: “Jesu fe mi, mo mo bee”.
6
Adura ope.
7
Orin Dafidi 121:1-8 ati Orin Dafidi 125:1-5.
8
Gloria: “Ogo ni fun Baba…” (Apa Kini).
9
Adura eniyan meta.
10
Jehovah Ramah (leemeta): Orin Dafidi 24:1-10.
11
Gloria: “Ogo ni fun Baba…” (Apa Kini).
12
Sisi ilekun wole: bi asiwaju ti nfi amuga ge aso tita, yoo gbadura ki Emi Olorun gunwa sinu ile naa, ki Olorun ya ile naa si mimo, ki o si pe awon olujosin rere sinu re. Yoo fi kokoro si ilekun nigbati a nko Orin 731, “E gbe ori yin soke, eyin enu ona”. A o ma fin turari, a o si ma won omi iyasimimo bi a ti nwole. A o to imole meje si ori pepe nla.

Esin ninu ile Oluwa

1
Orin titan fitila: “Yarah Sarah, Yarah Samahtah”. Bi a ti nko orin yi ni Oniturari yoo tan imole ori pepe.
2
“Yarah Mah Hi Yarah Mah”.
3
Didun agogo ni igba meta ati iforibale.
4
“O Kristi Oba mi” (leemeta).
5
Eyiba: Orin Dafidi 51.
6
Gloria: “Ogo ni fun Baba…” (Apa Kini).
7
Adura idariji ese.
8
Orin.
9
Adura ope.
10
Orin.
11
Adura eniyan meta, gege bi Elesin ba ti se dari: (a) Agbara iyasimimo, ebun Emi Mimo ati ilosiwaju ijo; (b) Isegun fun ijo Oluwa ati igbega; (c) Ojurere ati aanu Oluwa pelu ibukun.
12
Orin.
13
Adura idakeje.
14
Eko kika: 2 Kronika 6:12-21.
15
Ifilo.
16
Ijewo Igbagbo (Apa Kini).
17
Adura lenu Oniwaasu, ati Iwaasu.
18
Adura lehin Iwaasu.
19
Owo Igba.
20
Ope.
21
Orin ipari esin.
22
Adura ipari esin gba enu alagba obinrin kan.
23
Adura Oluwa: “Baba wa ti nbe li orun…” (Apa Kini).
24
Gloria: “Ogo ni fun Baba…” (Apa Kini).
25
Ore-ofe gba enu asiwaju.
26
Alleluyah meje si origun merin agbaye.
27
Orin akojade.
28
Adura lenu Elesin ni ita gbangba, ati Alleluyah meje si igun merin aye.
29
Jije ati mimu.

Esin Amisa

Ninu ile Oluwa.

Ohun elo: a o se koko pelu akara pupo; eso orisi meje; imole (abela) mesan fun agba, meji fun omode; turari; pelu awon ohun elo miran. Imole meje ni ori pepe nla; imole meji to ku, a o tan okookan si ibi ori ati ese Katafa. Imole meji ti omode, a o tan si ibi ori ati ese Katafa (a ko ni fi si pepe rara).

Akiyesi: o je dandan pe awon ti o fe se Amisa yi ko gbogbo ohun ti a o lo bi abela, turari, eso, koko ati akara wa si ile Oluwa. Ki esin to bere, Oluso-aguntan pelu iranlowo awon osise re gbodo seto Katafa sile.

1
Adura ni enu ona abawole ile Oluwa gba enu Elesin.
2
Adura Oluwa: “Baba wa ti nbe li orun…” (Apa Kini).
3
Orin akowole 128: “Ara e ba mi ka lo”.
4
Orin titan fitila: “Yarah Sarah”.
5
“Yarah Mah Hi Yarah Mah”.
6
Didun agogo ni igba meta pelu oro ijuba “Mimo! Mimo! Mimo!” (leemeta).
7
Eyiba (leemeta): Orin Dafidi 51:1-19. Elesin yoo ka a laiyara ni ila kookan, ijo yoo si ma tun ila kookan wi tele e.
8
Eli Ya (leemeta): Orin Dafidi 24:1-10, ati Gloria.
9
Adura aanu, iyasimimo ati idariji ese fun oloogbe ati gbogbo olujosin.
10
Adura Oluwa: “Baba wa ti nbe li orun…” (Apa Kini).
11
Orin 16: “Idariji ese la ntoro”.
12
Alfaji Ara-Hach (leemeta): Orin Dafidi 90:1-17.
13
Adura ope fun awon omo, ebi ati ara ti oloogbe fi sile, gba enu Elesin.
14
Orin 694: “Ka sise fun iwenumo emi wa”.
15
Adura eniyan meta lori oloogbe ati idile to fi sile.
16
Orin 176: “Baba pa lase lati orun wa”.
17
Eko kika: Iwe Oniwaasu 3:1-9, tabi Johanu 11:21-44, tabi 1 Korinti 15:30-42.
18
Ifilo.
19
Ijewo Igbagbo (Apa Kini).
20
Iwaasu, ati adura kukuru lehin Iwaasu.
21
Owo Igba.
22
Akanse adura fun oloogbe: alagba ti yoo se akanse adura yi yoo kunle lehin Katafa, yoo koju si pepe pelu ikoko turari, nigbati ijo nko Orin 646, “Belele a o na Bonono”. Akiyesi Pataki: ni akoko ti a nko orin yi, ko gbodo si ariwo rara.
23
Lehin ti asiwaju esin ba ti fin turari si igun merin Katafa tan, yoo kunle gbadura fun oloogbe ati idile pelu ijo Oluwa; gbogbo ijo yoo kunle pelu re. Ore-ofe, ati Alleluyah meje ni ikoju si pepe lori ikunle.
24
Orin aro gba enu awon akorin.
25
Ope.
26
Orin ipari esin 254: “Jesu fun wa lagbara”.
27
Adura ipari esin gba enu alagba obinrin kan.
28
Adura Oluwa, ati Gloria.
29
Ore-ofe gba enu Oluso-aguntan, ati Alleluyah meje si igun merin aye.
30
Orin akojade 153: “Mo nlo si Jerusalem”. Bi ijo ti nto jade, olukuluku yoo ma mu eso je.
31
Adura lenu Elesin ni ita ile Oluwa, Ore-ofe lati enu Elesin, ati Alleluyah meje si igun merin aye.

Eto Esin Iwese ati Gbigba Ara ati Eje Oluwa

Ojo Thursday Ose Ijiya Oluwa. Elesin: Oluso-aguntan.

Akiyesi fun iwese: gbogbo Oluso-aguntan, pelu agba ijo okunrin kan ati agba ijo obinrin meji, yoo wa fun esin iwese ni ojo Saturday to siwaju Ose Ijiya Oluwa, ni International Headquarters, Ketu, Lagos. Oludari Ijo Mimo agba (Rev. Pastor) ni yoo dari esin yi ni ile Aanu. Lehin eyi, Oluso-aguntan yoo we ese awon omo ijo won ni ojo Thursday Ose Ijiya. Ni Ojo Aiku (Ojo Ope), gbogbo Oluso-aguntan yoo pejo si Olu ibujoko mimo ni Ketu; Oludari Ijo Mimo agba ni yoo dari Ounje Ale Oluwa, lehin naa olukuluku yoo lo fun awon omo ijo re ni ojo Thursday Ose Ijiya.

Akiyesi: lati Ojo Aje gbogbo ijo yoo bere awe, yoo si pari ni ojo Satide ose naa. Ni ojo Satide Ose Ijiya, gbogbo omo ijo ni Nigeria yoo pejo si Makoko. Akiyesi Pataki: Ose Ijiya Oluwa yi je akoko ironupiwada ati ikaanu; olukuluku, okunrin ati obinrin, gbodo ya ara re si mimo, ko si gbodo se oso kankan.

Iwese

1
“Ogo ni fun Baba, ati fun Omo, ati fun Emi Mimo.”
2
Didun agogo ni igba meta pelu “Mimo! Mimo! Mimo! ni Oluwa Olorun awon omo ogun.”
3
Eyiba (leemeta): Orin Dafidi 130:1-8.
4
Gloria: “Ogo ni fun Baba…” (Apa Kini).
5
Adura idariji ese ati iyasimimo lenu Elesin.
6
Adura Oluwa: “Baba wa ti nbe li orun…” (Apa Kini).
7
Orin.
8
Eko kika: Johanu 13:1-13.
9
Iwaasu: Oluso-aguntan.
10
Adura lehin Iwaasu.
11
Tito jade lati we ese: gbogbo omo ijo yoo to bere pelu Oluso-aguntan titi de ori omo ijo to kere ju.
12
Oluso-aguntan pelu awon agba ijo okunrin yoo we ese fun awon okunrin; awon agba ijo obinrin yoo we ese fun awon obinrin, ni ita gbangba.

Ounje Ale Oluwa

1
Nigba ti iwese ba pari, esin Ounje Ale Oluwa yoo bere. Elesin: Oluso-aguntan. “Ogo ni fun Baba, ati fun Omo, ati fun Emi Mimo.”
2
Didun agogo ni igba meta pelu “Mimo! Mimo! Mimo! ni Oluwa Olorun awon omo ogun.”
3
Orin ijuba (Apa Kini), ila kookan leemeta.
4
Eyiba (leemeta): Orin Dafidi 51.
5
Gloria: “Ogo ni fun Baba…” (Apa Kini).
6
Adura eniyan meta: (a) Ope, ojurere ati aanu Oluwa fun omo ijo kookan ati gbogbo ijo; (b) Isegun lori emi okunkun ati emi aimo, ki ijo Oluwa je okan; (d) Agbara, ebun Emi Mimo ati ibukun Oluwa.
7
Orin 694: “Ka sise fun iwenumo emi wa”.
8
Eko kika akoko: Matteu 26:20-35. Eko kika ekeji: Matteu 26:36-56. Lehin naa Gloria.
9
Ifilo.
10
Ijewo Igbagbo (Apa Kini).
11
Adura kukuru lati enu Oniwaasu, ati Iwaasu Oluso-aguntan.
12
Adura lehin Iwaasu.
13
Owo Igba.
14
Adura lori owo igba.
15
Jije ara ati eje Oluwa: Asiwaju ijo (Oluso-aguntan) yoo koko ya ounje naa si mimo niwaju pepe, yoo je, yoo si fun awon agba ninu pepe. Lehin eyi a o pa ilekun abawole pepe; okunrin ati obinrin yoo ma wa siwaju pepe ni ila, olukuluku yoo pa owo re po ni ikunle, titi gbogbo omo ijo yoo fi gba. A o ma ko orin bi a ti nje ara ati eje Oluwa.
16
Ikilo: enikeni ti ko ti se iribomi ko gbodo dogba fun Ounje Ale Oluwa yi. Enikeni ti ko ba je osise Oluwa tabi agba ijo okunrin to ye fun ise yi ko gbodo fi owo kan awon ohun elo Ounje Ale Oluwa; obinrin kankan ko gbodo sunmo awon ohun elo Ounje Ale Oluwa rara.
17
Orin ipari esin.
18
Adura ipari esin gba enu alagba obinrin.
19
Adura Oluwa: “Baba wa ti nbe li orun…” (Apa Kini).
20
Gloria: “Ogo ni fun Baba…” (Apa Kini).
21
Ore-ofe lenu Oluso-aguntan.
22
Alleluyah meje si igun merin aye.

Esin Ipari Odun

31st December, agogo mewa ale (10:00 p.m.). Elesin: Oluso-aguntan.

1
Gbogbo omo ijo yoo ni abela titan kookan lowo ni ita.
2
Adura lenu Elesin ni ita.
3
Tito wo ile Oluwa: Oniturari yoo siwaju, awon omo ijo yoo tele pelu Orin 576, “Alleluyah lati orun wa pelu orin ayo”.
4
“Yarah Sarah Samahtah”.
5
“Yarah Mah Hi Yarah Mah” (leemeta).
6
Didun agogo ni igba meta: “Mimo! Mimo! Mimo! ni Oluwa Olorun awon omo ogun.”
7
“O Kristi Oba mi” (leemeta).
8
Eyiba (leemeta): Orin Dafidi 51:1-19. Elesin yoo ka a laiyara ni ila kookan, ijo yoo si ma tun ila kookan wi tele e.
9
Gloria, ati adura idariji ese ati iyasimimo.
10
Adura Oluwa: “Baba wa ti nbe li orun…” (Apa Kini).
11
Orin.
12
Eliya (leemeta): Orin Dafidi 118:1-29.
13
Adura agba meta.
14
Eko kika, ati Gloria.
15
Ifilo.
16
Ijewo Igbagbo, ati Iwaasu.
17
Adura lehin Iwaasu.
18
Adura idakeje: ki olukuluku toro fun ohun to nfe ninu odun titun (ni akoko yi agogo mejila oru ku feerefe).
19
Ni agogo mejila oru gbako, gbogbo ijo Oluwa yoo dide.
20
Orin ijuba (Apa Kini), ila kookan leemeta.
21
Adura agba meje.
22
Owo Igba.
23
Ope.
24
Orin ipari esin.
25
Adura ipari esin (agba obinrin kan).
26
Adura Oluwa, ati Gloria.
27
Ore-ofe.
28
Alleluyah meje si igun merin aye.
29
Orin akojade 576: “Alleluyah lati orun wa pelu orin ayo”.
30
Adura ni ita gba enu Elesin.
31
Ore-ofe, ati Alleluyah meje si igun merin aye.

Esin Orin Kiko Onigbagbo

Ni ile oloogbe, saaju isinku.

1
Orin 694: “Ka sise fun iwenumo emi wa”.
2
Adura idariji ese.
3
Adura Oluwa: “Baba wa ti nbe li orun…” (Apa Kini).
4
Orin: CCC 5, “Kawa elese yiwa pada”; CCC 283, “E wo gbogbo araye”; CCC 331, “E yin Oluwa eyin mimo”.
5
Adura eniyan meta.
6
Orin: CCC 612, “Ijinle ise Lolawa ran”; CCC 207, “Duru wura nke tantan”; CCC 708, “Emi ni Baba to da yin”.
7
Eko kika: Iwe Oniwaasu 3:1-10.
8
Orin: CCC 668, “Nile Baba mi loke orun”; CCC 762, “Enyin ara ninu Kristi”; CCC 774, “Mimo ni Jesu Kristi”.
9
Ifilo.
10
Ijewo Igbagbo: “Mo gba Olorun Baba Eledumare gbo…” (Apa Kini).
11
Adura siwaju Iwaasu.
12
Iwaasu.
13
Adura lehin Iwaasu.
14
Orin ipari esin: CCC 906, “Jesu ye titi aye”.
15
Adura ipari esin.
16
Adura Oluwa: “Baba wa ti nbe li orun…” (Apa Kini).
17
Gloria: “Ogo ni fun Baba…” (Apa Kini).
18
Ore-ofe.
19
Alleluyah meje si Oluwa.